वित्तिय संकटबाट वच्नका लागि समूह

नया“ दिल्ली (एजेन्स) – भारतको अर्थ मन्त्रालयले विश्व व्यापी आर्थिक मन्दीबाट पर्न सक्ने प्रभावबाट जोगिन संकट व्यवस्थापन समूह (क्राइसिस म्यानेजमेन्ट ग्रुप) बनाउने भएको छ । अर्थतन्त्र विशेष गरी वित्तिय क्षेत्रमा पर्न सक्ने प्रभाव न्यूनिकरण गर्नका लागि समूहले काम गर्नेछ ।
युरोपियन अर्थतन्त्रमा देखिएको समस्या र भारतबाट विदेशी लगानी बाहिरिने क्रम बढेको समयमा यस्तो समूह गठन हुन लागेको छ । आर्थिक मामिला बिभागका सचिव आर गोपालनले अर्थ मन्त्रालयमा गरेको वार्ता पछि समूह बनाउने निर्णय भएको हो ।
‘समूहले समस्याको प्रारम्भिक लक्षण अध्ययन गरेर संकटबाट जोगाउने छ’ अर्थ मन्त्रालयका उच्च अधिकारीले भने,‘समूहमा विशेषज्ञ समेत सामेल हुनेछन् ।’
बैठकमा प्रमुख आर्थिक सल्लाहकार कौशिक वासु, वित्तिय सेवा सचिव डिके मित्तल र लगानी सचिव मोहम्मद हालिम खान । बिभिन्न क्षेत्रका विशेषज्ञ सामेल गरेर बनाइएको समूहबारे प्रारम्भिर अवधारण भने भारतिय रिर्जभ बैंकले बनाएको थियो ।
स्रोतका अनुसार रिर्जभ बैंकले आफू सहित सेयर, बिमा, पेन्सन फन्ड नियामक र अर्थ मन्त्रालयको संलग्नतामा यस्तो समूह बनाइनु पर्ने अवधारणा तयार गरेको थियो ।
वित्तिय स्थायित्व र विकास काउन्सिलको अन्तर्गत हुने बताइएको समूहमा सचिव स्तरिय नेतृत्व हुनेछ । अमेरिकी सरकारले आउन सक्ने संकटबाट बच्नका लागि बनाएको फाइनान्सियल स्टेबलिटि ओभरसाइट काउन्सिलको अवधारणामा समूह बनाइएको छ ।