कारोबार रोक्न र कागजात पेस गर्न अख्तियारको निर्देशन

काठमाडौ, पुस १४ - सपmटवेयर खरिदमा अनियमितता भएको उजुरी परेपछि नेपाल क्लिरिङ हाउसलाई कारोबार रोक्न अख्तियार दुरुपयोग अनुसन्धान आयोगले पत्र काटेको छ ।
विदेशी मुद्राको पूर्ण चेक क्लियरिङ गर्न थालेकै दिन बिहीबार यस्तो पत्र काटिएको हो । 'कारोबार रोक्न र खरिद प्रक्रियाको सम्पूर्ण कागजात पेस गर्न निर्देशन दिएका हौं,' अख्तियारका कार्यबाहक प्रमुख आयुक्त भगवती कापmलेले भने ।
पत्र हाउस र केन्द्रीय बैंकलाई पठाइएको छ । उजुरीकर्ताले क्लियरिङका लागि प्रयोग गरिने सपmटवेयरको मूल्य ३ करोडको साटो २४ करोड रुपैयाँ देखाएर अनियमतिता भएको आरोप लगाएका छन् । राष्ट्र बैंकले भने यसको खण्डन गर्दै आएको छ । क्लियरिङका लागि प्रयोग हुने सपmटवेयरको मूल्य मुलुक अनुसार फरक पर्ने केन्द्रीय बैंक स्रोतले बतायो । 'उत्पादक कम्पनी र मुलुक अनुसार यस्ता सपmटवेयरको मूल्य फरक रहेको पाइन्छ,' स्रोतले भन्यो ।
कारोबारका लागि अधिकांश वाणिज्य बैंकले सदस्यता लिइसके पनि केहीको भने बाँकी छ । सदस्यता नलिएका बैंकले शुल्क उच्च रहेको बताउँदै आएका छन् । 'उक्त संस्थामा भएका काम कारबाहीका कारण सदस्यता नलिएको होइन,' सदस्यता नलिएको एक बैंकका प्रमुख कार्यकारी अधिकृतले भने, 'शुल्क बढी भयो भनेर घटाउने प्रयास गरेका हौं ।'
एक बैंकबाट जारी चेक अर्को बैंकबाट राफसाफ गर्ने प्रणालीलाई चेक क्लियरिङ भनिन्छ । यस्तो कामलाई विद्युतिय रूपमा गर्न कम्पनीको स्थापना भएको हो । यसअघि चेकलाई राष्ट्र बैंकको कार्यालयमा लगेर व्यक्तिले रुजु गर्ने चलन थियो । यसले चेकबाट भुक्तानी हुन धेरै समय लाग्थ्यो । हाउसले कारोबार सुरु गरेपछि भने विद्युतिय रूपमा चेक रुजु गर्ने काम सुरु भएको थियो ।
विदेशी मुद्राका चेकको मात्र क्लियरिङ सुरु भएको हो । केही सातामै स्वदेशी रकमको चेकको पनि कारोबार सुरु गर्ने योजना हाउसको छ । हाउसमा २७ संस्थागत लगानीकर्ता छन् । २३ वाणिज्य बैंक, २ विकास बैंक र स्मार्ट च्वाइस टेक्नोलोजी छन् ।