टि्वटरमा साउदी अर्बपतिको लगानी

साउदी अरब (एजेन्सी), पुस ६ - साउदी अरबका सबैभन्दा धनी व्यक्ति राजकुमार अलवालिद बिन तलालले सामाजिक सञ्जाल टि्वटरमा ३० करोड अमेरिकी डलर लगानी गरेका छन् । सञ्चार बादशाह भनेर चिनिने रुपोर्ट मुरडकको न्युज कर्पोरेसनमा पनि उनी दोस्रो ठूला लगानीकर्ता हुन् ।

साउदी अरबका राजाको नातेदार अलवालिदको सम्पत्ति २० अर्ब अमेरिकी डलर बराबर छ । टि्वटरमा उनले महिनौंको छलफल पछि ३ दशमलव ७५ प्रतिशत सेयर खरिद गरेको सञ्चार माध्यमहरूले जनाएका छन् ।

अरब क्षेत्रमा बढ्दो आन्दोलनको प्रचार गर्ने एक प्रमुख माध्यम बनेको टि्वटरमा अलवालिदले गरेको लगानीले सबैलाई अचम्ममा पारेको छ । अरब क्षेत्रमा विद्युतीय सञ्चारमाध्यमलाई वर्षौंदेखि शासनसत्ता सम्हालेका विरुद्ध आवाज उठाउने प्रमुख माध्यम बनाइएको छ । अरब विश्वका धेरैले अलवालिदको लगानीले कम्पनीको रणनीतिमा असर गर्न सक्ने चिन्ता सहित टि्वट गरेका छन् । उपस्थिति अनुसार १ दशमलव २ प्रतिशत मात्र रहेको अरब विश्वबाट टि्वट मार्फत भावना पोख्नेको संख्या एक वर्षमा २२ प्रतिशतले बढेको प|mेन्च अनुसन्धान संस्था सेमियोकास्टले उल्लेख गरेको छ । टि्वटरमा १० करोड भन्दा बढी प्रयोगकर्ता छन् ।

अलवालिदले किङ्डम होल्डिङ कम्पनी मार्फत टि्वटरमा लगानी गरेका छन् । लगानीको एक प्रमुख कम्पनी किङ्डम होल्डिङले यसै वर्ष साउदी अरबमा विश्वको सबैभन्दा ठूलो टावर बनाउने घोषणा गरेको थियो ।

सञ्चारमाध्यममा अलवालिदले धेरै इच्छा दिने गरेका छन् । उनको अरबी भाषामा पत्रिका प्रकाशन गर्ने संस्थामा ३० प्रतिशत लगानी छ । अरब क्षेत्रलाई समेटेर एक नयाँ समाचार टेलिभिजन सञ्चालन गर्ने योजना उनको छ । 'विश्वव्यापी असर राख्ने र ठूलो सम्भावना रहेको क्षेत्रमा लगानी गर्ने रणनीति अनुरूप टि्वटरमा हामी गएका हौं,' अलवालिदले भने । अलवालिदकी श्रीमती अमिरालाई ८३ हजार भन्दा बढीले टि्वटरमा पछ्याएका छन् ।

टि्वटरका प्रवक्ताले अलवालिदको लगानीबारे प्रस्ट पारे पनि रणनीतिक योजना बनाउने संञ्ालक समितिमा हुने प्रतिनिधित्व बारे बताउन चाहेनन् । करिब डेढ वर्षअघि नेपाल आएका उनले यहाँको पर्यटन उद्योगमा लगानी गर्ने इच्छा देखाएका थिए ।